متعة اللحظة والذبذبات العالية فى رحلة تسلق جبل لوفتى بأداليد … كانت مغامرة شيقة ومرهقة قوى بس استمتعت جدا أنا وأصدقائى اللى مجموعة منهم من استراليا وواحد فرنسى .هنلاقى فى الصور قد ايه طبيعة استراليا جميلة وخلابة والشجر جميل ومورق والوانه زاهية وشلالات المياه تنساب بدفء وحميمة لتكون بحيرة صغيرة فى أسفل الجبل .
بعد ما طلعنا قعدنا نتأمل المكان الجميل اللى يعتبر أعلى قمة جبل فى المنطقة وبتطل على مدينة اداليد الساحرة وسهولها الخضراء الجميلة واستريحنا شوية فى الكافى شوب الموجود هناك واخدنا بعض المشروبات الدافئة ورجعنا الطريق مرة تانية بس المرة دى كانت اسهل شوية الحمد لله ونزلنا تصور بجوار شلالات المياه .
